自己油漆定请师傅？DIY 翻油成本、效果、伏位全比较

DIY 翻油真实成本，唔止一罐漆咁简单

好多人以为 DIY 净系使几百蚊买漆，实际你需要：油漆（一房单位墙身约需 5L 装 2-3 罐）、底漆、滚筒扫刷、油漆盘、美纹胶纸、防尘胶布、批灰刀同灰料、砂纸、梯。埋单闲闲哋 $1,500-$2,500，仲未计你嘅时间。

DIY 最常见五大失败位

• 冇做底层处理：直接喺旧漆上面油，有裂缝钉孔照油，几个月后全部浮返出嚟
• 甩色、透底：深转浅冇上底漆，油极都唔均匀
• 滚筒痕、接驳痕：手法唔熟，墙身一入光就见到一条条痕
• 边位收口甩漏：天花线、灯掣、门框边界油到污污糟糟
• 低估工作量：以为一个周末搞掂，结果搬家私、贴胶纸已经用咗一日，最后烂尾

边啲情况 DIY 系 OK？

老实讲，唔系样样都要请师傅：细范围补油（例如一幅墙转色玩下）、墙身状况极好净系想转色嘅单幅特色墙、或者纯粹想体验下——DIY 冇问题。记住买埋底漆，贴好美纹胶纸，用「W 字」滚法就唔会太差。

边啲情况一定要揾师傅？

• 全屋翻新：工作量同手工要求远超想像
• 墙身有裂缝、剥落、发霉：要执灰甚至铲底，冇经验好难处理
• 高楼底、楼梯位：安全问题，唔好搏
• 赶时间入伙：师傅团队几日完工，DIY 随时拖几个星期

请师傅其实冇想像中贵

油漆师直接翻新油漆连工包料 $6,700 起，包家私保护、专业手工同完工清洁。计埋 DIY 嘅材料钱、时间成本同失败风险，好多时请师傅先至系真正悭钱。欢迎 WhatsApp 免费报价，比较下先决定都唔迟。