自己油漆定請師傅？DIY 翻油成本、效果、伏位全比較

DIY 翻油真實成本，唔止一罐漆咁簡單

好多人以為 DIY 淨係使幾百蚊買漆，實際你需要：油漆（一房單位牆身約需 5L 裝 2-3 罐）、底漆、滾筒掃刷、油漆盤、美紋膠紙、防塵膠布、批灰刀同灰料、砂紙、梯。埋單閒閒哋 $1,500-$2,500，仲未計你嘅時間。

DIY 最常見五大失敗位

• 冇做底層處理：直接喺舊漆上面油，有裂縫釘孔照油，幾個月後全部浮返出嚟
• 甩色、透底：深轉淺冇上底漆，油極都唔均勻
• 滾筒痕、接駁痕：手法唔熟，牆身一入光就見到一條條痕
• 邊位收口甩漏：天花線、燈掣、門框邊界油到污污糟糟
• 低估工作量：以為一個週末搞掂，結果搬傢俬、貼膠紙已經用咗一日，最後爛尾

邊啲情況 DIY 係 OK？

老實講，唔係樣樣都要請師傅：細範圍補油（例如一幅牆轉色玩下）、牆身狀況極好淨係想轉色嘅單幅特色牆、或者純粹想體驗下——DIY 冇問題。記住買埋底漆，貼好美紋膠紙，用「W 字」滾法就唔會太差。

邊啲情況一定要搵師傅？

• 全屋翻新：工作量同手工要求遠超想像
• 牆身有裂縫、剝落、發霉：要執灰甚至鏟底，冇經驗好難處理
• 高樓底、樓梯位：安全問題，唔好搏
• 趕時間入伙：師傅團隊幾日完工，DIY 隨時拖幾個星期

請師傅其實冇想像中貴

油漆師直接翻新油漆連工包料 $6,700 起，包傢俬保護、專業手工同完工清潔。計埋 DIY 嘅材料錢、時間成本同失敗風險，好多時請師傅先至係真正慳錢。歡迎 WhatsApp 免費報價，比較下先決定都唔遲。