租约完结交吉还原：油漆还原点做先攞得返按金？

交吉还原，油漆系最常见争议位

租约普遍要求租客交吉时将单位「还原至合理状况」。墙身系最当眼嘅位置：钉孔、螺丝窿、挂画胶痕、家私刮花、小朋友画墙、自己髹过嘅特色墙——业主验楼一眼睇晒。处理唔好，按金随时被扣起几千蚊甚至更多。

边啲要还原？边啲属于自然损耗？

• 通常要还原：租客自己转咗色嘅墙（要还原返原色，一般系白色或米白）、大量钉孔螺丝窿、涂鸦污渍、贴墙贴留低嘅胶痕
• 一般属自然损耗：正常日照造成嘅轻微变黄、家私背后轻微色差、极少量细钉孔（视乎业主同租约条款）

建议退租前先同业主或者代理沟通清楚还原范围，影低现状做纪录，避免口同鼻拗。

交吉还原油漆嘅标准做法

师傅嘅还原流程一般系：填补所有钉孔窿位 → 局部批灰打磨 → 全屋（或受影响墙身）重新髹返业主指定嘅原色。如果只系补油唔翻全幅墙,新旧漆会有明显色差，业主多数唔收货，所以通常整幅墙或者全屋翻油先稳阵。

几时做最抵？

最好喺搬走家私之后、交楼日之前预留 3-5 日俾师傅开工——吉屋开工唔使搬家私做保护，工时短啲，收费都会松动啲。切忌拖到交楼前一两日先揾人，赶工加急反而贵。

租客定业主埋单？

视乎租约条款同损耗性质。不过无论你系租客定业主，油漆师都可以免费上门报价，白色全屋翻新价钱实惠、几日完工，帮你顺利交吉、按金袋袋平安。