舊樓石屎剝落、批盪起殼：成因同正確處理方法

點解舊樓會石屎剝落？

香港好多樓宇樓齡超過三四十年。日積月累嘅濕氣滲入石屎，令入面嘅鋼筋生銹膨脹，將石屎逼裂逼甩——呢個叫「石屎剝落」或者「爆石屎」。天花、窗楣、廁所廚房天花係重災區。

批盪起殼就係牆身批盪層同石屎底層甩開，一撳落去有空鼓聲，嚴重嘅會成塊冧落嚟。

唔理得唔得？

唔建議。石屎剝落會愈嚟愈嚴重，天花位置隨時跌落嚟傷人；起殼批盪上面點翻油都唔會靚，仲會繼續擴散。及早處理，工程細啲、價錢平啲。

正確處理工序

油漆師處理舊樓牆身老化嘅標準做法係鏟底批灰翻油：

• 全面傢俬及地板保護
• 鏟走全屋或受影響範圍嘅舊漆舊灰，直達石屎底層
• 石屎剝落位：清走鬆脫石屎、鋼筋除銹防銹，再用修補砂漿還原
• 上防潮底漆，隔絕濕氣
• 全屋批灰 2-3 層，打磨至平滑
• 塗刷環保面漆 2-3 層

幾時要搵埋則師或者驗樓師？

一般家居範圍嘅石屎剝落同批盪老化，油漆師傅可以直接處理。但如果剝落範圍好大、鋼筋大面積外露、或者大廈已經收到強制驗樓通知，就建議先由專業人士評估結構狀況。有懷疑可以影低相 WhatsApp 俾我哋（6039 7774），師傅免費幫你初步判斷。