租約完結交吉還原：油漆還原點做先攞得返按金？

交吉還原，油漆係最常見爭議位

租約普遍要求租客交吉時將單位「還原至合理狀況」。牆身係最當眼嘅位置：釘孔、螺絲窿、掛畫膠痕、傢俬刮花、小朋友畫牆、自己髹過嘅特色牆——業主驗樓一眼睇晒。處理唔好，按金隨時被扣起幾千蚊甚至更多。

邊啲要還原？邊啲屬於自然損耗？

• 通常要還原：租客自己轉咗色嘅牆（要還原返原色，一般係白色或米白）、大量釘孔螺絲窿、塗鴉污漬、貼牆貼留低嘅膠痕
• 一般屬自然損耗：正常日照造成嘅輕微變黃、傢俬背後輕微色差、極少量細釘孔（視乎業主同租約條款）

建議退租前先同業主或者代理溝通清楚還原範圍，影低現狀做紀錄，避免口同鼻拗。

交吉還原油漆嘅標準做法

師傅嘅還原流程一般係：填補所有釘孔窿位 → 局部批灰打磨 → 全屋（或受影響牆身）重新髹返業主指定嘅原色。如果只係補油唔翻全幅牆,新舊漆會有明顯色差，業主多數唔收貨，所以通常整幅牆或者全屋翻油先穩陣。

幾時做最抵？

最好喺搬走傢俬之後、交樓日之前預留 3-5 日俾師傅開工——吉屋開工唔使搬傢俬做保護，工時短啲，收費都會鬆動啲。切忌拖到交樓前一兩日先搵人，趕工加急反而貴。

租客定業主埋單？

視乎租約條款同損耗性質。不過無論你係租客定業主，油漆師都可以免費上門報價，白色全屋翻新價錢實惠、幾日完工，幫你順利交吉、按金袋袋平安。